Глава 26
И бысть посем, и той прохождаше сквозе грады и веси, проповедуя и благовествуя Царствие Божие, и 12 (обанадесяте) с ним, и жены некия, яже бяху исцелены от духов злых и недуг: Мариа нарицаемая Магдалина, из неяже бесов седмь изыде, и Иоанна жена Хузаня, приставника Иродова, и Сусанна, и ины многи, яже служаху Ему от имений своих. Приведоша к Нему беснующася слепа и нема, и исцели его, яко слепому и немому глаголати и глядати. И дивляхуся вси народи глаголюще: Егда этот (сей) Христос сын Давидов? Фарисее же слышавше реша: не изгонит бесы, токмо о веельзевуле князи бесовстем. Ведый же Иисус мысли их, рече им: Всякое царство раздельшееся запустеет, и всяк град или дом разделивыйся не станет. И аще ПРОТИВНИК БОГА (сатана) ПРОТИВНИКА БОГА (сатану) изгонит, разделился, како УСТОИТ (станет) царство его?
И аще Аз о веельзевуле изгоню бесы, сынове ваши о ком изгонят? Сего ради тии вам будут судии. Аще ли же Аз о Дусе Божии изгоню бесы, постиже на вас Царствие Божие. Или како может кто внити в дом крепкаго и сосуды его расхитити, аще не первее свяжет крепкаго, и тогда дом его расхитит? Иже несть со Мною, на Мя, и иже не собирает со Мною, расточает. Сего ради глаголю вам: Всяк грех и хула отпустится человеком, а яже на Духа хула не отпустится человеком, и иже аще речет слово на Сына Человеческаго, отпустится ему, а иже речет на Духа Святаго, не отпустится ему ни в сей век, ни в будущий. Или сотворите древо добро и плод его добр, или сотворите древо зло и плод его зол, от плода древо познано будет. Порождения ехиднова, зли, како можете добро глаголати? От избытка сердца уста глаголют. Благий человек от благаго сокровища износит благая, и лукавый человек от лукаваго сокровища износит лукавая.
Глаголю же вам, яко всяко слово праздное, еже аще рекут человецы, воздадят о нем слово в день судный, от словес своих оправдишися и от словес своих осудишися. Тогда нецыи от книжник и фарисей, глаголюще: Учителю, хощем от тебе знамение виде, Он же отвещав рече им: Род лукав и прелюбодей знамения ищет, и знамение не дастся ему, токмо знамение Ионы Пророка: Яко же Иона во чреве китове три дни и три нощи, тако будет и Сын Человеческий в сердцы земли три дни и три нощи. Мужие Ниневитстии востанут на суд с родом и осудят его, яко покаяшася проповедию Иониною, и боле Ионы зде. Царица Южская востанет на суд с родом и осудит, яко прииде от конец земли слышати премудрость Соломонову, и боле Соломона зде. Егда же нечистый дух изыдет от человека, преходит сквозе безводная места, ищя покоя, и не обретает, тогда речет: Возвращуся в дом мой, отнюдуже изыдох. И пришед обрящет празден, пометен и украшен, тогда идет и поймет с собою седмь иных духов лютейших себе, и вшедше живут ту, и будут последняя человеку тому горша первых. Тако будет и роду лукавому. Еще же Ему глаголющу к народом, мати Его и братия Его стояху вне, ищуще глаголати Ему. Рече же некий Ему: Мати Твоя и братия Твоя вне стоят, хотяще глаголати Тебе. Он же отвещав рече ко глаголющему ему: Кто мати моя, и кто братия моя? И простер руку Свою на ученики Своя, рече: мати Моя и братия Моя, иже аще сотворит Волю Отца Моего, иже Есть на Небесех, той брат Мой, и сестра, и мати Ми.