Глава 20
Иисус же отиде со ученики Своими к морю, и мног народ от Галилеи по Нем иде, и от иудеи, и от Иерусалима, и от Идумеи, и со онаго полу Иордана. И от Тира и Сидона множество многое, слышавше, елика творяше, приидоша к Нему. И рече учеником Своим, да корабль будет у Него народа ради, да не стужают Ему. Многи исцели, яко же нападати на Него, да ему прикоснутся, елицы имеяху раны. И дуси нечистии, егда видяху Его, припадаху к Нему и зваху, глаголюще: Ты Сын Божий. И много прещаше им, да не явлена Его сотворят. И взыде на гору и призва, их же хотяше Сам, и приидоша к Нему. И сотвори 12 (дванадесяте), да будут с Ним, и да посылает их проповедати, и имети власть целити недуги и изгонити бесы, и нарече Симону имя Петр, и Иакова Зеведеова и Иоанна брата Иаковля, и нарече има имена Воанергес- сына громова, и Андреа, и Филиппа, и Варфоломеа, и Матфеа, и Фому, и Иакова Алфеова, и Фаддеа, и Симона Кананита, и Иуду Искариотскаго, иже и предаде Его.
Глава 21
Узрев же народы, взыде на гору, и седшу Ему, приступиша к Нему ученицы Его. И отверз уста Своя, учаше их, глаголя: Блажени нищии духом, яко тех царствие небесное; блажени плачущии, яко тии утешатся; блажени кротцыи, яко тии наследят землю; блажени алчущии и жаждущии правды; яко тии насытятся; блажени милостивии, яко тии помиловани будут; блажени чистии сердцем, яко тии Бога узрят; блажени миротворцы, яко тии Сынове Божии нарекутся; блажени изгнани Правды ради, яко тех Царствие Небесное; блажени, егда поносят вам, и ижденут, и рекут всяк зол глагол на вы лжуще, Мене ради, радуйтеся и веселитеся, яко Мзда ваша многа на Небесех, тако изгнаша пророки, иже прежде вас. Вы соль земли, аще же соль обуяет, чим осолится? Ни во что же будет ктому, точию да изсыпана будет вон и попираема человеки. Вы Свет Мира, не может град укрытися верху горы стоя, ниже вжигают светилника и поставляют его под спудом, но на свещнице, и светит всем, иже в храмине. Тако да просветится Свет Ваш пред человеки, яко да видят ваша добрая дела и прославят Отца Вашего, иже на Небесех.
Да не мните, яко приидох разорити закон, или пророки, не приидох разорити, но исполнити. Истинно (Аминь) глаголю вам: Дондеже прейдет небо и земля, иота единственная, или единственная черта не прейдет от закона, дондеже вся будут. Иже аще разорит единственную заповедий сих малых и научит тако человеки, мний наречется в Царствии Небеснем, а иже сотворит и научит, велий наречется в Царствии Небеснем. Глаголю вам: Аще не избудет правда ваша паче книжник и фарисей, не внидете в Царствие Небесное. Слышасте, яко речено бысть древним: Не убиеши, иже аще убиет, повинен суду. Аз же глаголю вам, яко всяк гневайся на брата своего не расудив, повинен суду, иже аще речет брату своему: ГЛУПЕЦ (Рака), повинен есть сонмищу, а иже речет: КАЛЕКА, БЕЗУМНЫЙ (Уроде), повинен геенне огненной. Аще принесеши дар твой ко олтарю и ту помянеши, яко брат твой имать нечто на тя, остави ту дар твой пред олтарем и шед прежде смирися с братом твоим, и тогда пришед принеси дар твой. Буди увещаваяся с соперником твоим скоро, дондеже на пути с ним, да не предаст тебе соперник судии, и судия тя предаст слузе, и в темницу ввержен будеши, аминь (истинно) глаголю тебе: Не изыдеши оттуду, дондеже воздаси последний кодрант. Слышасте, яко речено бысть древним: ЦЕЛОМУДРИЕ (не прелюбы) сотвориши. Аз же глаголю вам: Всяк, иже воззрит на жену ко еже вожделети ея, уже любодействова с нею в сердцы своем, аще же око твое десное (правое) соблажняет тя, «изми е и верзи от себе», уне ти есть, да погибнет единственная часть от тела (уд) твоих, а не все тело твое ввержено будет в геенну огненную, и аще десная (правая) твоя рука соблажняет тя, «усецы» ю и верзи от себе, меньше е (уне ти есть), да погибнет единственный от уд твоих, а не все тело твое ввержено будет в геенну. Речено же бысть, иже аще пуститъ жену свою, да даст ей книгу распустную. Аз же глаголю вам, всяк отпущаяй жену свою, разве словесе любодейнаго, творит ю прелюбодействовати, и иже пущеницу поймет, прелюбодействует. Паки слышасте, речено бысть древним: Не во лжу кленешися, воздаси же Господеви клятвы твоя. Аз же глаголю вам не клятися всяко: Ни небом, яко престол Божий, ни землею, подножие Ногама Его, ни Иерусалимом, град великаго царя, ниже главою твоею кленися, не можеши власа единственнаго бела или черна сотворити, буди же слово ваше: Ей, Ей (ДА, ДА) ни, ни (НЕТ, НЕТ), лишше же от НЕПРИЯЗНИ. Слышасте, яко речено: Око за око, и зуб за зуб. Аз же глаголю вам не противитися злу, но аще тя кто ударит в десную (правую) твою ланиту (щеку) обрати ему и другую, и хотящему судитися с тобою и ризу (верхнюю одежду) твою взяти, отпусти ему и срачицу (нательную одежду), и аще кто тя поймет по силе поприще единственное, иди с ним два. Просящему у тебе дай, и хотящаго от тебе заяти не отврати. Слышасте, речено: возлюбиши искренняго твоего и возненавидиши врага твоего. Аз же глаголю вам: Любите враги ваша, благословите кленущия вы, добро творите ненавидящим вас, и молитеся за творящих вам НАПАСТЬ и изгонящия вы, да будете сынове Отца Вашего, Иже на Небесех, солнце свое сияет на злыя и благия и дождит на праведныя и на неправедныя. Аще любите любящих вас, кую мзду имате? Не и мытари ли тожде творят? И аще приветствуете (целуете) други ваша токмо, что лишнее (лишше) творите? Не и язычницы ли такожде творят? Будите вы совершени, яко же Отец Ваш Небесный Совершен.