О пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступнице, святителю Иоанн! Предстоя у престола всех Царя и наслаждался света Единосущный Троицы и херувимски со ангелы возглашая песнь трисвятую, великое же и неизследованное дерзновение имея ко Всемилостивому Владыке, моли спастися паствы Христовы людем, помази во бранех и покари им вся противныя враги под нозе им: благостояние святых церквей утверди, архиереи благолепием святительства украси: монашествующия к подвигом доброго течения укрепи: царствующий град и вся грады и страны добре сохрани, и веру святую непорочну соблюсти умоли: мир весь предстательством твоим умири, от града и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, пленныя возврати, немоствующия исцели, и везде тепли призывающия тя и с верою притекающия к тебе и усердно припадающия и молящияся тебе от всяких напастей и бед ходатайством твоим свободи. Моли о нас всещедраго и человеколюбивого Христа Бога нашего, да и день страшного пришествия его от шуияго стояния избавит нас, и радости святых причастники сотворит со всеми святыми во веки веков.