Начало сия глаголемыя книги Гадательная Псалтирь сложенныя от древних философов12
Псалом 1
Якоже возрадовались святые отцы благодатной пище и благородным хлебом, тако и ты возрадуешься орудию твоему. Бог тебе на помощь и святые Петр и Павел13.
Псалом 2
Игрою твое дело будет. – Стоит Золотая Орда грозным царем, земля Русская – добрым благодетельным царем и великим князем, а дом стоит умным господином, Господом Богом делан. От печали в радость совершится; орудие твое всякое збудется.
Псалом – 3
Мнози врази возстанут на тя, не убояся их. – Рече Господь человеку: печально дело твое, есть врази в деле сём. Бог спасёт тя, а дело твое с радостью совершится. Бог тебе на помощь: одолеешь.
Псалом 4
Мнози воссташа на тя, лют есть путь, смущён ты. – Рече Господь Бог человеку: не велит скорбети тебе, ни тужити от велика времени и печального, и в мятеж приходит орудие твое, не твори его, несть ти в нём пользы.
Псалом 5
Лют путь, смущён. – Рече Господь человеку; не велит Господь быть в скорби. Не тужи о великом времени: наставит тебя Бог на добрую мысль и от велия печали избавит тя.
Псалом 6
Милосердо дело твое приходит. – Святый плотский ангел, седяй на селе моем; примеши село, пожнешь с благословением многим, всыплешь в житницу свою, исполнится дом твой благодати. Бог тебе на помощь, и святый Илия в орудии сём, от печали в радость приходит.